عید کا دن ۔۔۔

{ ستمبر 1, 2011 @ 1:30 صبح } · { حجاب کی باتیں }

عید کے حوالے سے یہ گانا مجھے اچھا لگتا ہے ۔۔۔۔ کتنے معصوم ہیرو ہیروئین ہیں ۔۔۔۔ یہ گانا آج کے دور میں فلمایا جاتا تو ہیرو اب تک دس بار گلے مل چکا ہوتا 😛
خیر جناب عید کا دن گزر گیا ۔۔۔۔ سوچا تھا دن کے وقت بلاگ ضرور لکھوں گی ۔۔۔۔ دو لائن لکھی تھی کہ ڈنگ ڈونگ ڈنگ ڈنگ ۔۔۔۔۔۔۔ السلامُ علیکم ۔۔۔۔۔۔ عید مبارک ۔۔۔۔۔۔۔۔۔ اور کیسے ہیں سب ۔۔۔۔۔۔۔ روزے کیسے گزرے ۔۔۔۔۔۔۔۔ ادھر اُدھر کی گپ شپ ۔۔۔۔۔۔ خاطر داری ۔۔۔۔۔۔۔۔ یہ لیجیے ناں ۔۔۔۔۔۔ یہ کیا اتنا ذرا سا لیا آپ نے اور لیں نخرہ نہیں چلے گا ۔۔۔۔۔۔۔۔۔ نہیں نہیں نخرہ تو نہیں ۔۔۔۔۔۔۔۔۔ یہ لیں آپ کے کہنے پر لے لیا اب خوش ۔۔۔۔۔۔۔۔ اُدھر مہمان نے پیالہ بھرا ۔۔۔۔۔۔ ادھر میرے ابرو کمان بن گئے ۔۔۔۔۔۔ آدھے بھرے ہوئے “ دودھ دلاری “ کے پیالے میں جوٹھا چمچہ ڈال دیا گیا تھا ۔۔۔۔۔۔۔ عید کے دن مہمانوں کی یہ عادت ہمیشہ مجھے کوفت میں مبتلا کرتی ہے ۔۔۔۔۔ اس بار سوچ رکھا تھا جس نے ایسا کیا مہمانوں کے اس گروپ کو ساری جوٹھی چیزیں کھلاکے کوفت کو سکون میں بدلوں گی ۔۔۔۔۔ تو پھر ہوگئی شروع ۔۔۔۔۔۔۔ اور لو ناں ۔۔۔۔۔۔۔ نہیں بھئی پیٹ اوور لوڈ ہورہا ہے ۔۔۔۔۔۔ تو کیا ہوا عید روز روز تو نہیں آتی ۔۔۔۔۔۔ سب مل کے ختم کرو ۔۔۔۔۔۔۔۔۔ ورنہ سوچ لو میں نے بھی کچھ نہیں کھانا تمہارے ہاں ۔۔۔۔۔ عید کا دن ہو مہمانوں کے لاڈ اٹھائے جائیں ۔۔۔۔۔۔۔۔ اور ساتھ میری دھمکی بھی ہو تو میزبان کا دل تو رکھنا ہے چاہے پیٹ میں گنجائش نا ہو 😛 بارش ، مہمان ، عیدی ، اچھا دن گزرا آج کا…. سب کو عید مبارک ۔۔۔ 🙂