پھر ساون رُت کی پون چلی ۔۔۔

{ فروری 15, 2013 @ 2:25 شام } · { حجاب کی باتیں }

اچانک مہمان آجائیں اور مہمان بھی وہ جسے دیکھ کے کہنا پڑے گلی میں آج چاند نکلا ۔۔۔ آج بادل اور بارش کی اچانک دستک نے بلکل اسی طرح دل خوش کیا ہی تھا کہ بجلی کی زور دار کڑک نے یہ سمجھایا کہ عشق چاہے کسی کے ہو آسان نہیں ہوتا ۔۔۔ دل بند ہوتے ہوتے رہ گیا ، سرخ بھیگے پتے جو آنگن میں بکھرے تھے وہ بھی مجھے نہ روک سکے اور میں کمرے میں شُکر کہ بیڈ کے نیچے نہیں گُھسی 😳

درود شریف کے وِرد کے ساتھ خود سے کہا ہمت کرو حجاب ایسا بھی کیا کھڑکی کھول کے باہر دیکھو موسم تم سے کچھ کہنے آیا ہے ( ایک بلاگ پوسٹ لکھ کے لوگوں کا ٹائم ہی خراب کردو ) 😛
کھڑکی سے باہر تاحدِّ نگاہ بھیگتا منظر ۔۔۔ مٹی کی خوشبو ۔۔۔۔ بھیگا ہوا حسین بادام کا درخت ۔۔۔ سُرمئی فرش پہ گرتی دائرے بناتی بارش کی بوندیں اور کبھی کبھی ژالہ باری ۔۔۔ بارش اب بھی ہو رہی ہے ، موسم اچھا ہے بہ امرِ مجبوری سہی آج ہم خوش ہیں 🙂