پنّا ۔

آج کل مارکیٹ میں کیریاں کم ہیں مگر میرے گھر میں کیریاں اب ترقی کا سفر تیزی سے کر رہی ہیں ساتھ کوئل اور توتے بھی مہربان نظر آتے ہیں کیریوں پر ۔۔ پنّا سے آغاز ہوا ہے کیریوں کے استعمال کا ۔۔۔۔
پنّا ۔
اجزاء ۔
٪٪٪٪٪٪٪٪٪
کیری 4 عدد ۔
پانی ۔ 4 پیالی ۔
نمک ۔ آدھا چائے کا چمچہ ۔
چینی ۔ حسبِ ذائقہ ۔
پودینہ ۔ چند پتّیاں ( باریک پیس لیں )
پسی ہوئی سیاہ مرچ حسبِ پسند ۔
ترکیب ۔
٪٪٪٪٪٪٪٪٪٪٪
کیریوں کو دھو کر توے پر رکھ کر کسی برتن سے ڈھانک دیں ، تھوڑی تھوڑی دیر بعد کیریوں کو پلٹتے رہیں یہاں تک کے کیریوں کا چھلکا براؤن ہو جائے، اگر چھلکا جل بھی رہا ہو تو کوئی بات نہیں بس آگ کی تپش سے کیری کا گودہ نرم ہونا چاہیئے ، جب کیریاں پک جائیں تو ٹھنڈا کر کے چھلکا اُتار کرگودہ الگ کرلیں ۔اب اس میں تمام اجزاء شامل کر کے بلینڈ کر لیں ، اور کسی بوتل میں بھر کر فریج میں رکھ دیں ، جب دل چاہے پانی ملائیں اور مشروب تیار ۔۔۔۔۔۔۔۔۔۔

کیری کے چٹخارے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیری کی حیدرآبادی چٹنی ۔
اجزاء ۔
٪٪٪٪٪٪٪٪
کیری ۔۔۔ ایک عدد ( چھلکا اُتار کر باریک کاٹ لیں )
سفید تِل ۔۔۔ ایک کھانے کا چمچ ۔
پودینے کی پتّیاں تھوڑی سی ۔
ناریل ۔۔۔ ایک چار انچ کا ٹکڑا ۔
ہری مرچیں ۔۔۔ 6 سے 8 عدد ۔
لہسن کے جوے ۔۔۔ 6 سے 8 عدد ۔
سفید زیرہ ۔۔ ایک چائے کا چمچ ۔
نمک ۔۔۔ حسبِ ضرورت ۔
ترکیب ۔
٪٪٪٪٪٪٪٪٪٪٪٪
ناریل کا ٹکڑا باریک کاٹ لیں ۔اب ناریل سفید زیرہ اور تِل توے پر بھون لیں ۔ بھوننے کے بعد گرائینڈر میں گرائینڈ کر لیں ۔ کیری ، ہری مرچیں ، پودینہ اور لہسن بھی پیس لیں ، اب کیری کے آمیزے میں خشک پسا ہوا تل ، زیرہ ، ناریل اور نمک ملا کر مِکس کر لیں ، مزیدار کیری کی چٹنی تیار ہے ، بیسن کی روٹی کے ساتھ یہ چٹنی مزے کی لگتی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیری کی جیلی ۔
اجزاء ۔
٪٪٪٪٪٪٪٪٪٪
کیری ۔۔ 1 کلو ۔
شکر ۔۔ 500 گرام ۔
گھی یا آئل ۔۔ آدھی پیالی ۔
عرقِ کیوڑہ ۔۔۔ حسبِ خواہش ۔
کیری کے چھلکے باریک کٹے ہوئے تھوڑے سے ۔
کیری کا گودہ ۔۔ 2 کھانے کے چمچے ۔
ترکیب ۔
٪٪٪٪٪٪٪٪٪
کیری کا چھلکا اُتار کر کیریوں کا جوس نکال لیں ، ایک دیگچی میں آئل گرم کریں ، آئل گرم ہو جائے تو کیری کا جوس ، کیری کا جوس نکال کر جو گودہ بچا ہے وہ 2 چمچے ، شکر اور کیری کے چھلکے دیگچی میں ڈال کر اتنا پکائیں کہ آمزہ شہد کی طرح گاڑھا ہو جائے ، آخر میں عرقِ کیوڑہ شامل کر کے چولہے سے اُتار لیں اور ٹھنڈا کر کے کسی جار میں محفوظ کر لیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیری کی میٹھی چٹنی ۔
اجزاء ۔
٪٪٪٪٪٪٪٪
کیری ۔۔ 1 کلو ۔( چھلکا اُتار کر باریک کاٹ لیں )
چینی ۔۔ 3 پاؤ ۔
کالی مرچ ثابت ۔۔ 50 گرام ۔
کشمش ۔۔ 50 گرام ۔( صاف کر کے کچھ دیر پانی میں بھگو دیں )
ادرک ۔۔ تھوڑی سی باریک کٹی ہوئی ۔
لہسن ۔۔ 6 جوے ۔چھلے ہوئے ۔
پسی سرخ مرچ ۔۔ 2 چائے کے چمچے ۔
بادام ۔۔ باریک کٹا ہوا 2 کھانے کے چمچے ۔
سرکہ ۔۔ 4 کھانے کے چمچے ۔
آئل ۔۔ آدھی پیالی ۔
نمک ۔۔ ایک چائے کا چمچہ ۔
ترکیب ۔
٪٪٪٪٪٪٪٪٪٪
باریک کٹی ہوئی کیریاں 5 منٹ کے لیئے اُبال لیں ،اب کیریوں کو چھان کر پانی الگ کر کے ٹھنڈا ہونے دیں ۔ایک دیگچی میں آئل ڈال کر گرم کریں اب اس میں لہسن اور ادرک ڈال کر سہنری مائل فرائی کریں ، اب ادرک لہسن کے ساتھ ٹھنڈی کی ہوئی کیریاں بھی کچھ دیر فرائی کریں ، اب اس میں باقی کے تمام اجزاء سوائے سرکہ کے ڈال کر 5 منٹ تک اچھی طرح مکس کریں ، اب ایک پیالی پانی ڈال کر گاڑھا ہونے تک پکائیں پھر سرکہ شامل کر کے چولہے سے اُتار لیں ، ٹھنڈا کر کے خشک جار میں محفوظ کرلیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

16 تبصرے »

  1. Shabih Fatima Pakistani Said:

    hain mujhy tau naam he samjh nahi aaya :S

  2. مجھے کیری کا اچار ( آم کا اچار نہیں ) بے حد پسند ہے . میری چچی بنایا کرتی تھیں. اس میں کیری کو کدو کش کیا جاتا ہے اور پھر اس کا اچار بنتا ہے .
    یہ پنا کیا ہوتا ہے ؟

  3. حجاب آپ ریسٹورنٹ کیوں نہیں کھول لیتیں؟
    اتنی مزیدار دیکھائی دینے والی کاھنے پینے کی چیزیں توہر کوئی کھانے کو دوڑے گا۔

  4. يہ کيری کيا ہوتی ہے ؟

  5. sania rehman Butt Said:

    I’ll try, thanks Hijab..:)

  6. جعفر Said:

    میں یہ سارے پنے اور گڈیاں اور چٹنیاں بنانے کو تیار ہوں
    بس ایک آم کا درخت بھیج دیجیے۔۔

  7. hijabeshab Said:

    شبیہہ پ ۔ ن ۔ ن پہ تشدید ۔۔ تشدد نہ پڑھنا اسے 😛 پنّا جیسے تمنّا 🙂

    ڈاکٹر جواد ، مجھے بھی کیری والا اچار پسند ہے میں بناتی ہوں کدّو کش کرکے ۔۔۔ اور پنّا کی تشریح اوپر لکھی ہے ۔۔ ہوتا کیا ہے یہ جو تصویر میں گلاس ہے اور گلاس میں جو شربت ہے وہ پنّا ہے ترکیب لکھی ہے آزمائیے ۔۔

    یاسر ، شدّت سے خواہش ہے کہ ایک ریسٹورنٹ کھولوں ، دیکھیں کب پوری ہوتی ہے یہ خواہش ۔۔

    اجمل انکل ، چھوٹے آم جن میں گُٹھلی سخت نہ ہو وہ کیری کہلاتی ہے ۔۔

    شکریہ ثانیہ 🙂

    جعفر ، آم کی گُٹھلی چلے گی کیا ۔۔۔ درخت آپ لگا لیجئے گا 🙂

  8. حجاب۔۔۔ یہ کیری کیری کیا ہے؟ کوئی پھل ہے یا سبزی؟؟؟ پکا کے کھائی جاتی ہے یا اس کا جوس نکالا جاتا ہے؟؟؟

    ویسے یاسر بھائی کا مشورہ بھی اچھا ہے۔۔۔ مستقبل روشن ہے آپکا۔۔۔ ایک عددریسٹورنٹ کھول ہی لیں۔۔۔ بڑا چلے گا۔۔۔ انشاءاللہ

  9. hijabeshab Said:

    شکریہ عمران ، کیری کی تشریح کردی ہے اوپر میں نے ۔۔

  10. کیا خیال ہے؟پارٹنر شپ کا؟
    منافع میرا آپ صرف پکا کر بیچیں۔

  11. ہیں۔۔۔ ۔ ۔ ۔ ـ؟ اسقدر کیریاں ؟ اور ساتھ پتہ نہیں کیا الا بلا۔ کالے تل، چٹے تل، کالی مرچ، چینی، پیاز، ناریل۔ ؟؟؟ پھر آپ کہتی ہیں کہ چکر آئے اور سیدھے ہسپتال یاترا کو چل نکلے۔؟

    ویسے آپکی ترکیب خاص کر پنا والی کبھی کوشش کرونگا۔ کیریاں تو نہیں البتہ پورے اور سالم ام کچے مل جاتے ہیں۔

  12. شکريہ ۔ بچپن ميں ديکھی چيز ہے ۔ جب سے حادثہ کا شکار ہوا ہوں ذہن ابھی تک درست کام نہيں کرتا ۔ کچھ ياد نہيں آتا ۔ اب کيری ہی نہيں کيرياں جہاں سے ميرے ساتھی بچے اُتار کے لائے تھے اور لڑکيوں نے چھين لی تھيں اور مزے لے کر کھاتی رہی تھيں ۔ سب ياد آ گيا ۔ ميں نے ايک کھائی تھی اور پھر توبہ کی تھی ۔ ميں اس وقت دس سال کا تھا

  13. hijabeshab Said:

    یاسر ، آپ جیسی پارٹنر شپ ہی ملتی ہے جبھی تو اب تک خیالی ریسٹورنٹ ہے 🙂

    جاوید گوندل صاحب ، یہ سب جیلی اور دوسری چیزیں میں صرف بناتی ہوں میرے بھائیوں کو پسند ہے کھاتی نہیں 🙂 اور کیری نہ ہو تو کوئی بات نہیں کچّے آم سے بھی بنا سکتے ہیں ۔۔

    اجمل انکل اللہ آپ کو مکمل صحت دے آمین ۔۔

  14. ایک گلاس پنا ملے گا؟

  15. hijabeshab Said:

    ڈفر ، سامنے تصویر ہے نوش فرمایئے ۔۔


{ RSS feed for comments on this post} · { TrackBack URI }

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Connecting to %s

%d bloggers like this: