رائس ڈشِز

اسپینش رائس ۔۔۔۔
اجزاء۔
٪٪٪٪٪٪٪٪٪٪٪
چاول (اُبلے ہوئے ) تین پیالی۔
نمک حسبِ ذائقہ
لہسن ۔ کچلا ہوا 2 سے 3 جوے۔
پیاز باریک کٹی ہوئی 2 عدد درمیانی۔
ٹماٹر ۔ چوکور کٹے ہوئے 3 عدد۔
زیتون ۔ باریک کٹے ہوئے آدھی پیالی۔
مشروم ۔باریک کٹے ہوئے 2 پیالی۔
شملہ مرچ۔ باریک کٹی ہوئی 2 یا 3 عدد۔
اجوائن۔ آدھا چائے کا چمچ۔
کالی مرچ۔ کٹی ہوئی آدھا چائے کا چمچ۔
اولیو آئل ۔ 3 کھانے کے چمچ۔
ترکیب۔
٪٪٪٪٪٪٪٪٪٪٪
فرائنگ پین میں اولیو آئل کو ہلکا سا گرم کرکے لہسن اور پیاز کو ذرا سا نرم ہونے تک فرائی کریں۔پھر اس میں شملہ مرچ ڈال کر دو سے تین منٹ تک فرائی کرلیں۔ٹماٹر ،مشروم اور زیتون بھی شامل کردیں۔ذرا سی آنچ تیز کرکے 3 سے 4 منٹ تک فرائی کرنے کے بعد چاول شامل کردیں۔تیز آنچ پر فرائی کرتے ہوئے نمک، کالی مرچ اور اجوائن ڈال دیں۔چاول کے ساتھ جب ساری چیزیں مکس ہوجائیں اور چاول سے خوشبو آنے لگے تو چولہا بند کردیں ،اور گرم گرم اسپینش رائس کے مزے لیں۔
=====================
چِکن ویجی مصالحہ رائس۔
اجزاء۔
٪٪٪٪٪٪٪٪٪٪
باسمتی چاول ۔ایک کلو۔
چکن ۔ اُبلی ہوئی چھوٹے ٹکڑوں میں آدھا کلو۔
گاجر ۔کدّو کش کی ہوئی۔ 4 عدد۔
مٹر ۔اُبلے ہوئے ایک پاؤ۔
بند گوبھی۔باریک کٹی ہوئی۔ایک پاؤ۔
آلو ۔ایک پاؤ فرنچ فرائز کی طرح کاٹ کر چپس بنا لیں۔
پیاز ۔ایک عدد۔
لہسن و ادرک کا پیسٹ ۔دو چائے کے چمچے۔
نمک ۔ایک کھانے کا چمچہ۔
ہلدی۔آدھا چائے کا چمچہ۔
کُٹی ہوئی سرخ مچ۔دو چائے کا چمچہ۔
دہی۔ایک کپ۔
اجینوموتو۔دو چائے کے چمچے۔
تیز پات۔دو پتّے۔دار چینی۔دو ٹکڑے۔
زردے کا رنگ۔تھوڑے سے دودھ میں گھول لیں۔
انڈے۔چھ عدد۔چٹکی بھر نمک اور چٹکی بھر زردے کا رنگ ملا کر پھینٹ لیں۔
تیل یا گھی۔آدھا پاؤ۔
ترکیب۔
٪٪٪٪٪٪٪٪٪٪٪
چاولوں کو نمک ،دار چینی اور تیز پات ڈال کر ایک کنّی اُبال کر نتھار لیں۔اب ایک دیگچی میں آئل گرم کر کے باریک کتری ہوئی پیاز سنہری کر یں اور اُس میں ادرک لہسن کا پیسٹ شامل کر دیں ۔ایک منٹ تک فرائی کرنے کے بعد بمعہ اجینوموتو اور تھوڑا سا پانی شامل کرکے پکائیں۔کچھ دیر بعد دہی بھی ڈال دیں ۔اور جب دہی کا پانی خشک ہونے لگے تو گاجر شامل کریں اور جب آئل الگ ہونے لگے تو اس میں بند گوبھی ،چکن اور مٹر ڈال کر چند منٹ تک پکانے کے بعد اُتار لیں۔فرائنگ پین میں انڈوں کو دو بڑے کھانے کے چمچ آئل ڈال کر آملیٹ بنا لیں اور پھر انڈوں کے لمبائی میں فنگر چپس کی طرح ٹکڑے کر لیں۔اب اُبلے ہوئے چاولوں کے تین حصّے کر لیں کُھلے منہ کے بڑے دیگچے میں ایک حصہ چاول بچھائیں اور پھر چکن اور سبزیوں کا آدھا آمیزہ ،آدھے انڈے اور آلو کے چپس کی تہہ لگا دیں۔اس کے بعد پھر چاول اور چکن جبکہ آخری تہہ چاول کی لگا کر اوپر سے چپس اور انڈے ڈال دیں اور زردے کا رنگ چھڑک کر ہلکی آنچ پر دم لگا دیں مزیدار چکن ویجی رائس تیار ہیں۔
==================
کچّے گوشت کی بریانی ۔
اجزاء۔
٪٪٪٪٪٪٪٪٪
گوشت،مٹن ، بچھیا یا مرغی بون لیس۔ایک کلو۔
باسمتی چاول۔ تین پاؤ۔
دہی۔ایک پاؤ۔
کچا پپیتا،پسا ہوا 2 کھانے کے چمچے۔
خشخاش ۔پسی ہوئی۔1 کھانے کے چمچہ۔
سرخ مرچ پسی ہوئی۔2 کھانے کے چمچے۔
جائفل ۔پسی ہوئی۔چوتھائی چائے کا چمچہ۔
جاوتری۔پسی ہوئی۔چٹکی بھر۔
ادرک لہسن کا پیسٹ۔2 چائے کے چمچے۔
نمک۔ایک کھانے کا چمچہ۔
سفید مرچ۔پسی ہوئی ۔1 چائے کا چمچہ۔
تیز پات،1 عدد۔لونگ،4 عدد۔دارچینی،2 عدد۔
آئل یا گھی۔ایک پاؤ۔
ہری مرچ۔4 عدد۔باریک کٹی ہوئی۔
ہرا دھینا اور پودینہ تھوڑا سا باریک کٹا ہوا۔
ٹماٹر 2 عدد۔کٹے ہوئے۔
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪ ٪٪
ترکیب۔
گوشت کو ایک انچ موٹے اور 3 انچ لمبے ٹکڑوں میں کاٹ لیں۔اس کے بعد گوشت دھو کر پانی اچھی طرح نکال کر تمام مصالحے سوائے تیز پات،لونگ اور دارچینی کے گوشت میں اچھی طرح مکس کرکے کم از کم 4 گھنٹے کے لئے رکھ دیں۔
چاول کو 20 منٹ بھگو کر رکھیں،پھر چاول کو اُبلتے ہوئے پانی میں نمک ڈال کر صرف 5 منٹ بوائل کرکے چھلنی میں ڈال دیں اور 5 منٹ تک ٹھنڈا ہونے دیں۔
ایک بڑی دیگچی میں (جتنا گوشت اور چاول ہیں دیگچی اُس سے ڈبل بڑی ہو) مصالحہ ملا گوشت پھیلا کر بچھائیں،اور اُس کے اوپر بوائل چاول اچھی طرح پھیلا کر ڈال دیں،اوپر سے ہری مرچ،پودینہ، ہرا دھنیا اور ٹماٹر ڈال کر ڈھکن بند کردیں اور ڈھکن پر کوئی وزنی چیز رکھ دیں کہ بھاپ باہر نہ نکلے اور 30 منٹ تک دھیمی آنچ پر پکنے دیں۔30 منٹ کے بعد دیگچی کو کسی کپڑے سے پکڑ کر چاولوں کو اچھی طرح اُلٹ پلٹ کریں اس طرح کے گوشت اوپر آ جائے مگر ہلکے ہاتھ سے کریں ورنہ چاول ٹوٹ جائیں گے۔اب اگر پانی باقی ہو تو مزید دم پر رکھیں اور اگر پانی باقی نہ ہو اور چاول سخت رہ گئے ہوں تو پانی کا ہلکا سا چھڑکاؤ کریں اور دم پر رکھ دیں۔مزیدار کچّے گوشت کی بریانی تیار ہے۔
========================
ازبکی پلاؤ
اجزاء۔
چکن ایک عدد بارہ ٹکڑے کروالیں۔چاول ایک کلو(دھو کر بیس منٹ کے لئے بھگو دیں۔کابلی چنے ایک پیالی(اُبال لیں) کشمش دو کھانے کے چمچ۔گاجر تین عدد۔لہسن ادرک پسا ہوا ایک کھانے کا چمچ۔سیاہ زیرہ ایک چٹکی۔کالی مرچ بارہ عدد۔پیاز چار عدد۔ہری مرچ چار عدد۔سفید سرکہ ایک کھانے کا چمچ۔نمک حسبِ ذائقہ۔کوکنگ آئل ایک پیالی۔
ترکیب ۔
ایک دیگچی میں آئل ڈال کر پیاز گولڈن براؤن کر کے آدھی نکال لیں۔آدھی پیاز میں چکن،ادرک لہسن،سیاہ زیرہ،اور کالی مرچ ڈال کر بھون لیں۔جب پانی خشک ہو جائے تو اُبلے چنے،چاول اور آدھی کشمش ڈال کر ہلکے ہاتھ سے تھوڑا بھون کر پانی ڈال دیں،پانی اتنا ڈالیں کے چاول ایک ینچ ڈوبے رہیں۔سرکہ بھی ساتھ ڈال دیں،جب چاول کا پانی خشک ہو کر دم پر آجائے تو دیگچی توے پر رکھ دیں اوپر سے آدھی بچی ہوئی پیاز،اور کشمش اور گاجر بھی فرائی کر کے ڈال دیں(گاجر فنگر چپس کی طرح کٹی ہو)جب بھاپ آ جائے تو ) مزیدار ازبکی پلاؤ تیار ہیں۔
=====================
ثابت مسور کی بریانی
اجزاء۔
دال(کالی مسور ) ایک پاؤ۔
چاول باسمتی۔تین پاؤ۔
دہی۔ایک پیالی۔
ادرک لہسن کا پیسٹ۔ایک کھانے کے چمچ۔
پیاز۔دو عدد درمیانی۔
نمک اور پسی سرخ مرچ حسبِ ذائقہ۔
گرم مصالحہ۔ایک چائے کے چمچ۔
ٹماٹر۔چار عدد۔
آئل حسبِ ضرورت۔
——-
ترکیب۔
دال کو کچھ دیر کے لئے بھگو دیں پھر دال کو اتنے پانی میں اُبالیں کے دال گل جائے اور پانی خشک ہو جائے(دال گلنے پر ثابت رہنی چاہیے ) پیاز فرائی کریں اور پیاز میں سارے مصالحے اور دہی اور ٹماٹر ڈال کر بھون لیں تھوڑا سا پانی ڈال کر مصالحہ پکائیں جب مصالحہ گل جائے اور تیل اوپر آجائے تو دال کو ہلکے ہاتھ سے مصالحے میں مکس کر دیں۔چاول کو آدھا گھنٹہ بھگو کر رکھنے کے بعد ایک کنی رہنے تک اُبال لیں۔اب ایک بڑی پتیلی میں ایک تہہ چاول کی اور ایک تہہ دال کی لگا کر دم پر رکھیں چاہیں تو تہہ لگاتے وقت ہرا دھنیا اور ٹماٹر بھی ڈال لیں۔

6 تبصرے »

  1. M. Shahzad Said:

    MashAllah, aap to professional cook lagti hein…thanks a lot.

  2. بی بی ۔ مجھے کيوں مشکل ميں ڈالا ہوا ہے ؟ ايک طرف زيتون اور دوسری طرف آليو آئل ؟
    يہ سارے طريقے نقل کر کے ميں اپنی بيگم کو تھماتا ہوں ۔ اور اگر مجھے ڈانٹ پڑی تو ۔ ۔ ۔ ۔ ۔ ۔ ۔ ۔ ۔ ميں رونا شروع کر دوں گا

  3. kainat Said:

    بہت مزے کی شیئرنگ ۔۔۔۔

  4. hijabeshab Said:

    شہزاد پروفیشنل کک کہاں اور میں کہاں ۔۔

    اجمل انکل ، ثابت زیتون بھی استعمال کرنا ہے اور زیتون کے تیل میں پکانا بھی ہے ، آنٹی کھانا بناتی ہیں وہ خود سمجھ جائیں گی ڈانٹ نہیں پڑے گی آپ کو🙂

    بہت شکریہ کائنات 🙂

  5. Rabia khan Said:

    .wow really very great post. thanks for sharing

  6. hijabeshab Said:

    بلاگ پر خوش آمدید ربیعہ خان اور شکریہ


{ RSS feed for comments on this post} · { TrackBack URI }

جواب دیں

Fill in your details below or click an icon to log in:

WordPress.com Logo

آپ اپنے WordPress.com اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Twitter picture

آپ اپنے Twitter اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Facebook photo

آپ اپنے Facebook اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Google+ photo

آپ اپنے Google+ اکاؤنٹ کے ذریعے تبصرہ کر رہے ہیں۔ Log Out / تبدیل کریں )

Connecting to %s

%d bloggers like this: